Transcription
1
Monsieur, par monsieur de Villeneufve ay receu votre lettre
2
et vous mercie très humblement la bonne souvenance
3
quavez de moy. Mon grangier ma envoyé quelques
4
chappons, de quoy je vous en envoye ung couple.
5
Si les trouvés bons, il y en a daultres de quoy vous
6
pouvez dispozer, et de moy et tout ce que jey.
7
Dieu mercy, je suys mieulx que quant ledit sieur de
8
Villeneufve passa. Ar soyr, ainsin que malloys
9
coucher, madame de Soyon et madamoyselle
10
d’Amauze me mandarent le filz de monsieur du
11
Pelloux et le petit Amauze et avoient heu
12
advertissement que les huguenaulx de Pryvas
13
estoint partis pour les venir prendre, cy bien
14
quilz ny ont pas beaucoup de gens pour
15
astheure sy sassemblent davantaige, ilz me
16
le doibvent mander, de quoy je ne fauldrey vous
17
advertir et en cependant, vous supplie me commander
18
votre voulloyr pour icelluy toute ma vie accomplir
19
daussy bon cueur que me recommande
20
très humblement à vostre bonne grace, priant
21
Dieu,
22
[249 v°] monsieur, qui vous aye en sa garde. De votre
23
maison de Montoyson, ce XVIme de febvrier
24
1574.
25
Votre très humble et aubeissant
26
servyteur
27
montoyson